-
日期: 2025-10-08 | 来源: 粤睇先生 | 有0人参与评论 | 字体: 小 中 大
黄翠如自爆升呢妈咪後获黄爸爸差别待遇
黄翠如爸爸还额外托阿萧送上一张与翠如食雪糕的合照，原来当年黄爸爸身体健康出过状况，这张合照是纪念翠如为庆祝黄爸爸康复、请食雪糕的开心时刻，相当有纪念价值、亦展现了二人超亲密关系。黄翠如：「嗰时屋企轮住经历低潮时，好担心佢唔好，跟住去睇医生，跟住ok喎，跟住我就请佢去食雪糕，呢张相我好锺意，爸爸以前好靓仔架。」 玩完感性，黄翠如又回归搞笑路线，她笑言自从有了孙仔「萧哈哈」後，黄爸爸由以前的「慈爱型爸爸」变成现在的「鞭策型爸爸」，翠如笑言：「以前我话好辛苦，爸爸话会辛苦就唔好做喇，但依家佢会话：『啱架，赚多啲钱畀你个仔吖嘛。』」
不过黄爸爸咁感性、封家书又点会得咁少内容，其实黄爸爸喺家书入面仲有提到「翠如」名字嘅由来，以及翠如当初拿到奖学金去英国时、自己的复杂心情，以及如何为女儿由「天使卖鱼小妹妹」慢慢一步一步迈向父母之路感到欣慰。而翠如听着老公阿萧温柔地读出爸爸的家书时，除一再落下感动的眼泪、还不时傻傻的隔空与「家书」对话、画面相当有爱。想亲耳听到阿萧情深tone演绎黄爸爸家书足本？密切留意无綫官方社交平台推出的完整版本。
翠如爸爸家书全文：
「囡囡，你今日要去街市体验卖鱼生活，其实爸爸就好担心，辛唔辛苦（翠如：辛苦）、有冇受伤呀（翠如：冇）？有冇卖到爸爸以前经常带返屋企、你最锺意你最喜爱食嘅大眼鸡鱼同埋白鲳鱼呀？（翠如：依家都锺意）」
「其实一日喺鱼档嘅时间真系好长好长架，当初爸爸入行，其实经常都受到刀伤，有啲冻伤啦、劳损啦，其实街市卖鱼系最辛苦嘅行业之一。咁点解明知道辛苦都要坚持去做呢？就系因为爸爸冇其他工作经验，只要能够畀到你哋姊妹过啲比较安稳嘅生活，再辛苦，爸爸都可以顶落去。（翠如：我知）」
「囡囡，好多谢你呀，以前爸爸一年可能都冇好多时间可以陪喺你身边啦，但系你自细都十分懂事，你哋姊妹会互相照顾，仲会帮妈咪手做家务，勤力读书，五个女都可以考到大学，呢个系爸爸觉得最骄傲、最自豪嘅一件事。（翠如：我都知架喇，我老豆一生嘅愿望就系我哋读大学就够喇）所以佢话任何嘅辛苦都系值得嘅。」
「翠如，点解会改呢个名呢？我改呢个名嘅寓意就系碧翠如茵，就系希望你能够生活喺大自然嘅韵律当中，自由自在，心旷神怡。（翠如系咁笑）」
「仲记得你中六嘅时候攞到奖学金去英国，第一次飞咁远嘅地方，做爸爸嘅好担心，但更多嘅系开心。因为见到自己个女长大咗，之後你仲实现咗自己嘅梦想，可以喺香港飞到去世界各地，主播、主持、演员，亦都由一个女儿变咗做一个母亲嘅。（翠如又咁系笑）」
「囡囡，你仲记唔记得你读小四嘅嗰年暑假，你想知道卖鱼几辛苦，所以跟咗爸爸去档口学习，你请求爸爸，爸爸其实又惊又喜嘅，见到你信心满满就帮你着上咗个水鞋、胶手套、围裙，天使卖鱼小妹妹就出现喺你爸爸嘅档口度。你好叻呀，除咗负责将啲鱼入袋、（翠如：玩咗一阵咋，主要系为咗嗰啲散银）仲刮鱼麟，佢话你系好认真嘅，所以爸爸嗰日都劏咗两条你最锺意食嘅大眼鸡、畀你带返屋企作为奖励。」- 新闻来源于其它媒体，内容不代表本站立场！
-
原文链接
原文链接:
目前还没有人发表评论, 大家都在期待您的高见